आज रङहरूको पर्व होली । पहाड तथा हिमाली भेगमा आज मनाइने होलीले यो वर्ष खासै छोएको छैन । विश्वलाई नै त्रासमा धकेलेको कोरोना भाइरसको असर होलीमा पनि परेको छ । नेपाल सरकारले सार्वजनिक स्थलमा भिडभाड नगर्न निर्देशन दिइसकेको छ । यसर्थ पनि सङ्क्रमणको जोखिमबाट बच्नको लागी होलीको चहलपहल खासै देखिँदैन ।
आयोजना हुने भनिएका कार्यक्रमहरू सबै स्थगित भएका छन् भने आ-आफ्नो घरमा परिवारसँग खुसी साट्दै र शुभकामना आदानप्रदान गर्दै सबैले जोखिम रहित होली मनाइरहेका छन् । यसैलाई आत्मसाथ गर्दै कला जगतका सम्पूर्णले सामान्य र तरिकाले होली मनाएका छन् । कतिले सामाजिक सञ्जाल मा अघिल्ला वर्षका होलीको तस्बिर साझेदारी गर्दै शुभकामना दिइरहेका छन् भने कतिले परिवारसँग सामान्य टिका साटेर होली मनाएको तस्बिर राखेका छन् ।
रङहरूको पर्व भएकैले पनि रङ र जमघट नहुँदा होली निकै खल्लो अनुभव सबैले गरेका छन् तर आफ्नो स्वास्थ्य र अरूको स्वास्थ्यको सुरक्षाको लागी अपनाइएको यो तरिका भने निकै राम्रो हो । सुरक्षित तरिकाले खुसी साट्दै होली मनाऔँ । होलीको शुभकामना!!
