अमेरिका तथा भारत लगायत देशहरूमा आजबाट प्रदर्शनमा आएको विश्वले प्रतीक्षा गरेको हलिउड फिल्म 'स्पाइडरम्यानः फार फ्रम होम' को ललितपुरको लबिम मलमा प्रिमियर गरिएको छ । नेपाली चलचित्रका कलाकार, मिडियाकर्मी र केही दर्शकको उपस्थितिमा सम्पन्न प्रिमियरको सोनी पिक्चर्स र एप्पल इन्टरटेन्मेन्टले आयोजना गरेको हो । चलचित्रमा टम हल्यान्ड, स्यामुअल एल ज्याक्सन, जेनेड्या, ज्याक गिलेनहाल लगायतको अभिनय रहेको चलचित्रले नेपालमा पनि राम्रो व्यापार गर्ने देखिन्छ ।

हलिउड क्रिटिक्सले यस चलचित्रलाई राम्रो प्रतिक्रिया दिएसँगै विश्वभर उत्साहजनक तरिकाले व्यापार गरिरहेको छ । यध्यपी गत साता चीनसहितका केही एसियाली राष्ट्रमा रिलिज भएको 'स्पाइडरम्यानः फार फ्रम होम' अनलाइनमा लिक भइसकेको छ । जसले गर्दा व्यापारमा केही ह्रास आउने अनुमान लगाउन सकिन्छ तर लिक भएको फिल्म पुरा भने नभएको बताइएको छ ।